一時感慨

還有不足二十日，四年的IVE 生涯就結束了。當中想得的得過；想試的試過；失敗成功種種都經歷過。學習的歷程裡面體會了好多，又認識到一些好有潛質、好有夢想的同學，得著實在好多。

最後一份設計習作完成了，部份成績公佈了，對於結果是可以接受的，但潛意識裡當然不太滿意。始終當年level 2 二百幾人裡面都考到第三名，點解今時今日五十人入面都只係一個浮浮沉沉的中遊份子？加上上年拎到個IVE 獎學金，又in 到入Kingsmen 做summer job，我理應最後要拎到A 喇掛。原來，設計係冇得咁計的。做得好就係好；失準就係失準，而且結果和付出往往不成正比。所以要長期做設計工作，必須先練成極高的EQ 及屢敗屢戰的精神，要輸得起，放得低。

最慶幸的係搵到自己的缺點，最大缺點正係睇得自己太高，結果失望亦越大；加上輸唔起的性格更加影響自己心理，上年幾乎接近精神分裂。

所以對自己期望降低少少係會過得開心些的。